طريقة ربح المال من اليوتيوب

الربح من اليوتيوب: أكيد كتير مننا بيسمع عن أرباح اليوتيوب الضخمة دي، والناس اللي بتعمل آلالاف الدولارات كل شهر، والسؤال هو هل فعلاً الناس دي بتعمل الأرباح دي؟ 

وهل تقدر توصل للأرباح دي انت كمان؟ وازاي تعمل الأرباح دي بالرغم من إنك مش عندك محتوى تقدمه؟

طريقة ربح المال من يوتيوب

كل الأسألة دي إجابتها أيوة تقدر وبسهولة جداً كمان، إنت فقط محتاج العزيمة والاستمرار وهتقدر توصل للأرقام دي بسهولة كبيرة، وفي خلال المقال دة هقولك على كل الأسرار الممكنة اللي تخليك تعمل فلوس من اليوتيوب.

خطوات الربح من اليوتيوب

أول حاجة هتعملها هي إنك تروح تعمل أكونت على جوجل وانت أكيد عندك واحد لأن كل الناس دلوقتي عندها حساب جيميل، بعدها تروح على اليوتيوب وتعمل قناة.

ومش هنتطرق لطريقة عمل القناة لأنها سهلة جداً وممكن تشوف ليها فيديو على اليوتيوب وهتعرف تعملها لوحدك.

تاني خطوة هي إنك تحط لوجو للقناة وصورة غلاف، ودول ممكن تخلي حد يعملهملك من على موقع خمسات ب5$، أو مممكن تعملهم انت لو عندك خلفية في برنامج الفوتوشوب.

الربح من اليوتيوب خطوة بخطوة

بعد كدة هتروح على علامة البحث في يوتيوب وتبحث عن فيديوهات “Top 10”، اللي هي الفيديوهات اللي من نوع “أعلى 10″، هتلاقي فيديوهات كتير جداً طلعتلك وعليها معدل مشاهدات عالي جداً.

هتروح على علامة “فلتر” عشان نختار نوع معين من الفيديوهات، من القائمة اللي هتطلعلك اختار ترخيص “Creative Common” ودا نوع من الفيديوهات اليوتيوب 

بيديك صلاحية إعادة استخدامه، ودا النوع اللي هنستخدمه عشان مش يجيلك إنذار من اليوتيوب بانتهاك حقوق الملكية للفيديوهات.

بعد كدة هتحمل عدد كويس من الفيديوهات دي عندك على جهاز الكمبيوتر وممكن تستخدم موقع “savefrom” ووضع رابط الفيديو المراد تحميله، وستتمكن من تحميله بكل سهولة.

بعد كدة تحمل برنامج لمونتاج الفيديوهات وهناك العديد من البرامج اللي ممكن تستخدمها لمونتاج الفيديو لكني أرشح برنامج “فيلمورا” إذا كان جهازك إمكانياته ضعيفة، أو برنامج “أدوبي بريمير” إذا كان جهازك إمكانياته متوسطة أو قوية.

ثم تشاهد طريقة مونتاج الفيديو على اليوتيوب وستجد العديد من الشروحات لكل البرامج اللي يتم استخدامها في المونتاج، بالإضافة إن إحنا مش هنحتاج غير طريقة القص والتركيب.